Heiðrún Scheving Ingvarsdóttir er stofnandi Lesum. Henni hefur alltaf verið hugleikið að vinna að velferð og jöfnuði meðal barna.
Heiðrún sótti um styrk í Þróunarsjóð námsgagna árið 2020, markmiðið var að vinna námsgögn fyrir leikskóla sem um leið yrði fræðsla til foreldra um mikilvægi þess að efla orðaforða og hugtakaskilning barna. Sjóðurinn veitti styrk til verkefnisins.
Heiðrún hóf störf í leikskólanum Gimli árið 1990 og útskrifaðist sem fóstra frá Fósturskóla Íslands 1996. Hún lauk diplómu í uppeldis- og menntunarfræði 2006 með áherslu á kennslu yngri barna.
Heiðrún var leikskólastjóri í Hjallastefnu leikskólanum Akri 2007-2012.
Árið 2014 útskrifaðist hún með meistaragráðu í hagnýtri menningarmiðlun og 2018 lauk hún D-vottun í verkefnastjórnun.
Heiðrún starfaði sem læsisráðgjafi hjá Menntamálastofnun á árunum 2015-2020.
Í dag sinnir Heiðrún tveimur störfum, hún er verkefnastjóri fjölmenningar í leikskólanum Velli í Reykjanesbæ og verkefnastjóri Fagháskólanáms í leikskólafræði við Keili en það er samstarfsverkefni Háskóla Íslands, Keilis og sveitarfélaga.
